Ońtústik Afrıka Izraıldiń Rafahtaǵy áreketterin aıyptap Halyqaralyq sotqa júgindi
ASTANA. KAZINFORM - Ońtústik Afrıka Respýblıkasy BUU Halyqaralyq sotyna (ICJ) shuǵyl ótinish berip, Izraıldiń Rafahta ótkizýdi josparlap otyrǵan jerústi operatsııasy úshin sottyń óz quzyretin júzege asyrýyn talap ete me, joq pa degen sheshim shyǵarýdy surady, dep habarlaıdy Anadoly aqparat agenttigi.
OAR jazbasha ótinishinde úkimet dúısenbi kúni Halyqaralyq sotqa shuǵyl suraý jiberip, Palestına quqyqtarynyń odan ári buzylýyna jol bermeý úshin óz quzyretin paıdalaný kerek pe degen sheshim qabyldaýdy surady.
Málimdemede úkimettiń Rafah qalasyna jasalǵan shabýyldar áli adam shyǵynyna ákelip soqtyrǵany jazylǵan. Tosqaýyl qoımasa, áli de adam shyǵyny men qıraýlar úlken shyǵynǵa ushyratatyny atap ótilgen.
Qujatta kórsetilgendeı, Rafahqa jasalǵan shabýyldar 2024 jyldyń 26 qańtarynda Izraılge qarsy shyǵarǵan «ókimderi» men «Genotsıdtiń aldyn alý jáne jazalaý týraly konventsııany» óreskel buzatyny sóz bolǵan. OAR úkimeti sottyń Gazadaǵy kún saıynǵy ólim-jitim sanyn eskere otyryp bul máseleni shuǵyl túrde sheshetinine senim bildirdi.
«Izraıl armııasynyń Rafahqa jasaǵan shabýyldary saldarynan 100-den astam adam qaza taýyp, júzdegen adam jaralandy, al josparlanǵan qurlyq shabýyly gýmanıtarlyq apat qaýpin arttyryp» - delingen habarlamada.
Izraıl Gazaǵa jasaǵan shabýyldary kezinde ondaǵan myń palestınalyqtardy ajal qushtyryp, aýmaqtyń soltústik jáne ortalyq turǵyndarynyń kópshiligin Mysyrmen shekaradaǵy Rafahqa jappaı qashýǵa májbúr etti.
Eske sala ketsek, jeltoqsan aıynyń sońynda Ońtústik Afrıka Gaza sektoryndaǵy jaǵdaıǵa baılanysty Gaagadaǵy halyqaralyq sotqa genotsıd konventsııasyna sáıkes Izraılge qarsy shaǵym túsirip, sotty Izraılge qarsy ýaqytsha shara qoldanýǵa shaqyrdy.
11 qańtarda sot Halyqaralyq qylmystyq sot Ońtústik Afrıkanyń Izraılge qarsy Izraıldiń áreketin Palestına halqyn genotsıd dep taný týraly aryzyn qaraı bastady.