Ońtústiktiń jastary tarıhı jerlerdi aralaıdy

ShYMKENT. QazAqparat - Ońtústik Qazaqstan oblysynyń jastary «Ólketaný» jobasy aıasynda tarıhı jerlerdi aralaıtyn bolady.

Búgin «Ontustik Tourism Center» týrıstik aqparat ortalyǵynda Ońtústik Qazaqstan oblystyq kásipkerlik, ındýstrııaldy-ınnovatsııalyq damý, týrızm jáne jastar saıasaty máseleleri jónindegi basqarmalar arasynda ózara yntymaqtastyq memorandýmǵa qol qoıyldy.  Memorandým aıasynda «Ólketaný» atty jastar jobasy bastaý aldy, dep habarlaıdy «QazAqparat» HAA tilshisi.

 

Jastarǵa arnalǵan jobanyń maqsaty - ońtústik óńiriniń kórikti jerlerin jastar arasynda tanytý men týrıstik qyzmetti paıdalanýdyń mádenıetin joǵarylatý. Endigi jerde bul jobaǵa  14-29 aralyǵyndaǵy jastar ár demalys kúnderi qatysa alady. Olar aımaqtyń kórikti jerlerin aralap, tarıhı jerlerge bas suǵady dep kútilýde.