Ońtústiktiń jasóspirimderi gir tasyn kóterýden jarysty
ShYMKENT. QazAqparat - Ońtústik Qazaqstan oblysynyń Sozaq aýdanynda gir tasyn kóterýden jarys ótti. Tartysty ótken saıys Qazaqstan Respýblıkasynyń Tuńǵysh Prezıdenti kúnine oraı uıymdastyryldy, dep habarlaıdy QazAqparat tilshisi.
Sozaq aýdandyq soty uıymdastyrǵan saıysqa 5 salmaq dárejesi boıynsha 98 jasóspirim qatysty. Jarystyń ashylý saltanatynda Sozaq aýdandyq sotynyń tóraǵasy Nurqazy Shetenov pen aýdandyq dene shynyqtyrý jáne sport bóliminiń basshysy Mereı Nııazáliuly sóz sóılep, Elbasymyzdyń qazaq eli úshin sińirgen eren eńbegin erekshe atap ótti. Sondaı-aq baǵyn synap kelgen sportshylarǵa sáttilik tiledi.
Jalpy, gir tasyn kóterý sporty atalǵan aýdanda turaqty jolǵa qoıylǵan. Aýdan jastarynyń sporttyń bul túrinen jetken jetistikteri de az emes. Ádil tóreshiler qatarynda Álem chempıony Qobylandy Orynbasarov, gir sportynyń jattyqtyrýshysy Murat Serikbaevtar boldy. Oqýshylar salaýatty ómir saltyn qalyptastyrýǵa arnalǵan ıgi jarysta baryn saldy. Jarys sońynda júldeli oryn alǵandarǵa medaldar, maqtaý qaǵazdary men aqshalaı syılyqtar tapsyryldy.
