Ońtústiktiń taýly aımaqtarynda qardyń qalyńdyǵy 84 santımetrge jetken
ShYMKENT. QazAqparat - Ońtústiktiń taýly aımaqtarynda qardyń qalyńdyǵy 84 santımetrge jetken. Oblystyq gıdrometrologııa ortalyǵy mamandarynyń sózinshe, búgin jáne erteń bul aýmaqtarda qar kóshkini júrýi múmkin.
Sondyqtan, barynsha saqtyq sharalaryn saqtaǵan jón , dep habarlaıdy QazAqparat HAA tilshisi.
Sınoptıkterdiń aıtýynsha, Alataýdyń basynda jaýǵan qar erimeı, jaýynnyń áserinen toń bolyp siresip jatyr. Sol sebepti, nóser jaýyn birqatar ózen-kólderdegi sýdyń deńgeıin kóterip jibergen. Dese de mamandar ázirge óńirde eshqandaı qaýip joq dep otyr.
Naýryz aıyna jasalǵan boljamǵa sáıkes, óńirde 28 naýryz kúni jaýyn-shashyn bolyp, jel soǵýy yqtımal. Keıin aýa temperatýrasy kúndiz 10-15, keı jerlerde 20-25 gradýsqa deıin jylıdy. 30 naýryzda kúni kún qubylyp, táýlik boıyna nóser jaýady dep kútilýde. Tipti, birqatar jerlerde jeldiń jyldamdyǵy sekýndyna 15-20 metrge deıin jetýi múmkin.
