Ońtústiktiń polıtseıleri arasynda patrıottyq ánder baıqaýy ótti
ShYMKENT. QazAqparat - Naýryz merekesi qarsańynda Ońtústik Qazaqstan oblystyq ishki ister departamentinde «Elim meniń -Qazaqstan» atty patrıottyq án baıqaýy bolyp ótti, dep habarlaıdy QazAqparat tilshisi.
Memlekettik til jáne aqparat basqarmasynyń uıymdastyrǵan sharaǵa departament apparatynyń jeke quramynan 21 úmitker qatysyp, baǵyn synady.
Ońtústik polıtseıleri arasynda ótken baıqaý QR ІІO-da tilderdi damytý men qoldanýdyń 2017-2019 jyldarǵa arnalǵan is-sharalar josparyna sáıkes ótkizildi.
Án dodasyna qatysýshylarǵa qoıylǵan basty talap, saýsaqpen sanarlyq patrıottyq ánderdi naqyshyna keltire oryndaı bilý boldy. Baıqaý kezinde qatysýshylardyń barlyǵy da baryn salyp, kópshilikti kóńilinen shyǵýǵa tyrysyp baqty. Olar ózderiniń jumys ýaqyttarynyń tyǵyzdyǵyna qaramastan, úlken daıyndyq kelgenderin kórsetti. Kıim úlgisin ázirleýge de erekshe mán bergeni kórinip turdy.
Baıqaýdyń jeńimpazy bolyp OQO ІІD JPP-nyń polıtseıi, polıtsııa serjanty Baqtııar Ermekbaev tanyldy. Al ekinshi oryn Shymkent qalalyq ІІB Abaı PB-nyń ınspektory, polıtsııa aǵa leıtenanty Aıgúl Qalıeva men Túlkibas aýdandyq ІІB-niń ınspektory polıtsııa kapıtany Sáken Kenjeevterge buıyrdy.
Aıtýly saıysta 3-oryndy Tóle bı aýdandyq ІІB-niń ınspektory polıtsııa kapıtany Qýanysh Túımebekov pen Shymkent qalalyq ІІB-nyń ınspektory polıtsııa kapıtany Ádemi Ábdirovalar ózara bólisti. Sonymen qatar baıqaýǵa qatysqan birqatar úmitkerler «Belsene qatysqany úshin» nomınatsııasymen marapattaldy. Olarǵa baǵaly syılyqtar men gramotalar tabys etildi.
Aıta keteıik, óńirdiń ІІD-de dástúrli jáne patrıottyq ánderdi dáripteıtin, ulttyq sanany kóteretin án saıystary jyl saıyn uıymdastyrylyp turady.
