Ońtústiktiń kınostýdııalary «Kóne jetigenniń syry» atty týrıstik kınohıkaıa túsirýde
ASTANA. QazAqparat - Ońtústik Qazaqstan oblysynda osy jyldyń sońynda «Kóne jetigenniń syry» atty 13 serııaly kınohıkaıa men «Qajymuqan», «Otyrardy qorǵaý», «Kıeli Qazyǵurt» atty anımatsııalyq fılmderdiń tusaýy kesiletin bolady. Bul týraly Óńirlik kommýnıkatsııa ortalyǵynda ótken baspasaóz konferentsııasynda «Ońtústik-fılm» kınostýdııasynyń dırektory Batyrhan Dáýrenbekov málim etti, dep habarlaıdy oblystyq ákimdiktiń baspasóz qyzmeti.
Atalǵan týyndylardyń túsirilim jumystarymen elimizge belgili «Saq» jáne «Ońtústik-fılm» kınostýdııalary aınalysyp jatyr.
Bul týyndylar Ońtústik Qazaqstan oblysy ákimdiginiń qoldaýymen Elbasynyń «Bolashaqqa baǵdar: rýhanı jańǵyrý» baǵdarlamasy negizinde óńirimizdiń kıeli jáne tarıhı jerlerin dáripteý men týrızmdi nasıhattaý maqsatynda túsirilip otyr.
«Atalǵan týyndylardyń ıdeıa avtory - Ońtústik Qazaqstan oblysynyń ákimi Janseıit Túımebaev. Jyl basynda oblys ákimi bizdi arnaıy qabyldap, ishki týrızmdi damytýǵa sep bolatyn kıno jáne anımatsııalyq fılmderdi túsirýge tapsyrma bergen bolatyn. Keıinnen bıýdjetten qarjy bóldi. Qazirgi tańda biz «Kóne jetigenniń syry» atty 13 serııaly kınohıkaıany túsirýmen aınalysýdamyz. Túsirilim jumystaryna 30-ǵa jýyq akterlar tartylyp, jumys júıeli túrde jalǵasyp jatyr»,- dedi Batyrhan Qaldarbekuly.
«Kóne jetiginniń syry» atty kınojoba jelisi óte qyzyqty. Qazyǵurt asýyndaǵy jol jóndeý jumysymen aınalysyp jatqan ekskovatorshy kisi syrty shirýge aınalǵan teri qapshyq taýyp alady. Qapshyqtyń ishinen kóne jetigen aspaby shyǵady. Іshekteri men asyqtary joq bul aspabtyń syrtqy betinde eski kóne túrki áripterimen jazylǵan jazýdyń izderi kórinedi. Fılmniń basty keıipkeri - Samal dos, jigiti Nurjan men arheolog Jandos úsheýi jetigenniń syrtyndaǵy tóte jazý óleń shýmaqtarynyń qupııa syrlaryn ashýǵa tyrysady.
«Kınonyń túsirilim jumystary Túrkistan, Arystan bab, Otyrar, Saýran, Saıram, Aqsý-Jabaǵyly, Qazyǵurt taýy, Ógem sekildi tarıhı jáne tabıǵaty ásem jerlerde túsirilýde. Jalpy «Kóne jetiginniń syry» kınosyna 70 mln. teńge bólinip, ár serııasyna 6 mln. teńge shyǵyndalyp jatyr»,- dedi kınonyń bas rejısseri Nýrıddın Patteev.
