Ońtústiktiń eńbekshi jastary arasynda spartakıada ótti
ASTANA. QazAqparat - Ońtústik Qazaqstan oblysy Tólebı aýdanynda eńbekshi jastar arasynda spartakıada ótti. Leńgir qalasynyń ortalyq stadıonynda uıymdastyrylǵan saıysqa aımaqtyń iri kásiporyndarynda jumys isteıtin 18-29 jasqa deıingi qyz-jigitter qatysyp, sporttyń bes túrinen ózara myqtyny anyqtady, dep habarlaıdy QazAqparat HAA tilshisi.
«Eńbekshi jastar - bolashaqqa jol bastar!» atty oblystyq spartakıada QR Prezıdentiniń «Bolashaqqa baǵdar: rýhanı jańǵyrý» baǵdarlamalyq maqalasy aıasyndaǵy dene shynyqtyrý jáne buqaralyq sportty damytý, jumysshy mamandyqtardy nasıhattaý men eńbek jastary arasynda dostyq qarym-qatynasty nyǵaıtý maqsatynda uıymdastyryldy.
Shaǵyn fýtbol, voleıbol, basketbol, ústel tenısi, sýda júzý boıynsha uıymdastyrylǵan spartakıadaǵa 9 komanda qatysty.
Barlyq komanda músheleri jarysqa jaqsy daıyndyqpen kelip, belsendi túrde qatysty. Ásirese spartakıada uıymdastyrylyp jatqan Tólebı aýdanynyń jastary ózderiniń myqtylyqtaryn dáleldedi.
Jarys qorytyndysy boıynsha jeńimpaz komandalarǵa baǵaly syılyqtar men dıplomdar tabys etilse, atalǵan aýdanynyń sportshy jastary stol tennısinen bas júldeni jeńip aldy. Komanda múshelerine 200 myń teńge men arnaıy dıplom tabys etildi.
Sonymen qatar, aýdannyń sportshylary basketbol nomınatsııasy boıynsha da bas júldeni jeńip, 200 myń teńgeni ıelendi. Shaǵyn fýtboldan 3-oryn alyp, 75 myń teńgemen marapattaldy.
Al, Lenger qalasynyń sportshylary basketbol nomınatsııasynda 3-orynǵa ıe bolyp, 75 myń teńge utyp aldy.
