Ońtústiktiń birqatar mádenı qyzmetkerleri marapattaldy
Óńirdiń mýzeı salasynyń ardageri Abdýlla Jumashov, ólketanýshy Erlan Syzdyq «Úzdik ólketanýshy» estelik medaline, etnograf-qolónershi Kendebaı Qarabdalov, Tarıhı-mádenı murany qorǵaý, qalpyna keltirý jáne paıdalaný jónindegi ortalyq dırektorynyń mindetin atqarýshy Jandos Qurban Qurmet gramotasyna ıe boldy. Oblystyq tarıhı-ólketaný mýzeıi arheologııa bóliminiń meńgerýshisi Aısulý Erjigitova men aqparattandyrý sektorynyń meńgerýshisi Gúlmıra Lazar alǵys hatqa ıe boldy. Aımaqtyń mádenıet qyzmetkerleri bas qosqan jıynda sondaı-aq ótken jyldyń jumysy qorytyndylanyp, keler jylǵa josparlar pysyqtaldy. Jıynda Elbasynyń «Bolashaqqa baǵdar: rýhanı jańǵyrý» maqalasynda aıtylǵan mindetter eksheldi. Týǵan jerdi túletip, tarıhı eskertkishterdi jańǵyrtý jaıy aıtyldy. Tarıhı jádigerlerdiń saqtalýy men keler urpaqqa nasıhattalýy jóninde pikirler talqylandy. Sondaı-aq, oblys ákiminiń tapsyrmasy negizinde túsirilgen jańa týyndy el nazarynda usynyldy. «Uly Jibek joly boıyndaǵy kóne qalalar» atty 25 mınýttyq derekti fılm tóskeıdiń tarıhynan syr shertti. Mamandar ońtústiktiń tamasha jerleri týraly arnaıy kitapshalar daıyndap, birqatar mádenıet úılerin qaıta jóndeýden ótkizýdi josparlap otyr.
