Ońtústikten Soltústikke taǵy 21 otbasy qonys aýdardy
ShYMKENT. QazAqparat - Ońtústik Qazaqstan oblysynyń Saryaǵash aýdanynan 21 otbasy soltústikke kóshti. Qonys aýdarǵandardyń deni bir-birine jaqyn aǵaıyndar, dep habarlaıdy QazAqparat tilshisi.
Bul joly kóshkenderdiń barlyǵy Saryaǵash aýdanyna qarasty Derbisek aýylynyń turǵyndary. Olar buǵan deıin Soltústiktiń birqatar aýdandaryn aralap, jerimen turǵylyqty halqymen tanysyp qaıtqan bolatyn. Tipti sharýashylyq júrgizýge jer tańdap, isteıtin kásibin de naqytylap keldi. Barǵan soń kóshken januıalar birigip, derbes kooperatıv quramyz deıdi. Bul maqsatqa 22 myń gektar egistik jer bólinip qoıypty. Turǵyndardyń ózge jerge kóshýine memlekettik qoldaý sebep boldy. Onyń ústine bıyl kóktemde soltústiktegi birneshe oblystyń ókilderi osynda eńbek jármeńkesi ótkizdi. 636 kásiporyn tústik óńirdiń azamattaryna 1 myń 785 bos jumys ornyn usyndy. Arnaıy sapar uıymdastyryp, eńbek naryǵyndaǵy jaǵdaıymen tanysyp kelýine jaǵdaı jasady.
«Basqarma tarapynan aýdan, qalalardy aralap, jumyspen qamtýdy ortalyqtary, bólimderde jınalystar júrgizildi. Nasıhattaý jumystarynyń arqasynda qazir 200-300-ge jaqyn otbasy kóshýge qyzyǵýshylyq bildirip otyr», - deıdi Oblystyq áleýmettik baǵdarlamalar jáne jumyspen qamtýdy úılestirý basqarmasynyń basshysy Muhıt Otarshıev.
Aıta keteıik, buǵan deıin soltústik oblystarǵa ońtústikten 113 otbasy qonys aýdardy. Olar búginde medıtsına, aýyl sharýashylyǵy, bilim jáne qurylys salalarynda eńbek etip júr. Endi biri kásipkerlikpen aınalysyp, óz isin dóńgeletýde.
