Ońtústikten soltústikke «quda-qudaǵı» poıyzy qatynaıdy
QR Prezıdentiniń tóraǵalyǵymen ótip jatqan Qazaqstan halqy Assambleıasynyń XXV sessııasynda «Serpin» baǵdarlamasymen Soltústik Qazaqstan oblysynda bilim alyp jatqan, arǵy ata-babalary ırandyq Saıda Bekbýdı bıyl «Nurly jol» baǵdarlamasy aıasynda qazaq eliniń eki qıyryn jalǵaǵan Qyzylorda-Petropavl baǵytyndaǵy poıyzdyń júre bastaǵandyǵyn atap ótti.
«Turǵyndar ony quda-qudaǵılar poıyzy dep atap ketti. Búginde Shymkenttiń jigitteri soltústiktiń qyzdaryna quda tússe, al «serpindik» qyzdar soltústik jigitteriniń armanyna aınaldy. Bas qosqan birneshe juptar da bar. Bul jaǵynan da elimizdiń birligi nyǵaıyp jatyr. Nursultan Ábishuly! Shyndyǵyn aıtqanda bastapqyda qıyn boldy. Soltústiktiń qysy qatal eken. Biraq, bizdi bilim alý jolyndaǵy jastyq jalynymyz jylytty», - dedi ol.
Onyń aıtýynsha, serpindikter orys tilin, aǵylshyn tilin úırenip, endigi ýaqytta jergilikti jastarǵa qazaq tilin úıretip jatyr.
«Tamyry Irannan, Ońtústik Qazaqstan oblysynyń Báıdibek aýdanynan olar da Soltústik Qazaqstanǵa quda-qudaǵı bolyp shyqpasyn. Ońtústiktiń jigitteri qalaı jiberip otyr eken. Baqytty bol!» - dep ázildedi Elbasy.
