Ońtústikten 400 myń tonna baqsha ónimderi bes elge eksporttaldy
ShYMKENT. QazAqparat - Ońtústik Qazaqstan oblysynyń sharýalary osy jyldyń toǵyz aıynda Reseı, Belarýs, Qyrǵyzstan, Latvııa, Lıtva, Estonııa jáne Germanııaǵa 225 myń tonnadan astam qaýyn, 148 myń tonna qarbyz, 14 myń tonnaǵa jýyq júzim, 43 myń tonna shamasynda qyryqqabat eksporttaǵan, dep habarlaıdy QazAqparat oblys ákimdiginiń baspasóz qyzmetine silteme jasap.
Sonymen birge, óńir sharýalary kókónis pen baqshadan basqa bul elderge úndik eti, sýsyndar men iri qara malǵa arnalǵan azyq pen balyq konservilerin shyǵaryp keledi.
Sońǵy ýaqytta oblysta qarqyndy baý sharýashylyǵyn damytý jáne jańa tehnologııalardy qoldanýdyń arqasynda baqsha ónimderiniń kólemi artty. Osynyń nátıjesinde, jemis ımportynyń úlesi 99,3 mln dollarǵa nemese 33,3 paıyzǵa, al kókónis 6,2 mln dollarǵa nemese 4,8 tómendegen.
Jalpy Ońtústik Qazaqstanda 21 kásiporyn óz ónimderin shet el asyryp, eksporttaıdy. Aımaqtyń kásipkerleri Ózbekstan, Qyrǵyzstan, Aýǵanstan jáne Tájikstanǵa ósimdik maıy men un, balyq súbesi men konservilengen balyq, qus jumyrtqasyn, makaron, kondıterlik ónimderdi, qoı etin jáne sıyr etin shet el naryǵyna saýdalaýda.
Agrarly aımaqtyń sharýalary kókónispen qatar dándi daqyldardy da eksporttaýǵa erekshe basymdyq berip keledi. Máselen, jyl basynan beri shet memleketterge quny 17,6 mln dollardy quraıtyn bıdaı men 49,3 mln dollarǵa un ónimderi eksporttalǵan. Jalpy aýyl sharýashylyǵy eksportynyń kólemi búgingi tańda 211,4 mln AQSh dollaryn qurap, ótken jylmen salystyrǵanda 6 paıyzǵa ósken. Al ımport kólemi 320 mln AQSh dollaryn qurap, 4 paıyzǵa kemigen.
Bıyl Ońtústik Qazaqstan oblysynyń dıqandary 376,5 mlrd teńgeni quraıtyn aýyl sharýashylyǵy ónimin óndirdi. Bul ótken jylǵymen salystyrǵanda 57 mlrd teńgege kóp. ıAǵnı, dıqandar bıyl 400 myń tonnaǵa jýyq astyqty qambaǵa quısa, 116 myń tonna jemis-jıdek pen 919 myń tonna kókónis, 295 myń tonna kartop, 1,3 mln tonna baqsha daqyldaryn jınady.
