Ońtústiktegi shaǵyn nesıe uıymy 16 myńǵa jýyq jobany qarjylandyrdy
ASTANA. QazAqparat - Ońtústik Qazaqstan oblysyndaǵy «Yrys» Mıkroqarjy uıymy 2006-2017 jyldar aralyǵynda jalpy somasy 27,6 mlrd teńgeni quraıtyn 15731 jobaǵa qoldaý kórsetken.
Qarjy uıymynan qoldaý tapqan jobalardyń iske asýynyń nátıjesinde 13 383 jańa jumys orny ashylǵan.
Al, 2017 jyldyń jarty jyldyq kórsetkishi boıynsha jalpy somasy 4 513,9 mln teńgeni quraıtyn 1885 jobany qarjylandyrdy. Sonyń ishinde 939 joba mal sharýashylyǵy baǵytynda bolsa, kóktemgi egin egý-jınaý jumystaryn uıymdastyrý úshin 1500 mln teńgeni quraıtyn 880 jobaǵa qoldaý kórsetken.
Sondaı-aq, jylyjaıdy keńeıtý jáne qurylysyn salý da «Yrys» mıkroqarjy uıymynyń josparly qarjylandyrylýyna engendikten bıyl bul saladaǵy 41 jobaǵa 148,18 mln teńge kóleminde nesıe berildi. Munan bólek, qus sharýashylyǵy boıynsha 5 joba, aýylsharýashylyq ónimderin qaıta óńdeýdi uıymdastyrý, nan - toqash ónimderin shyǵarý men óndiristik qyzmetke, saýda jáne qyzmet kórsetý salasy men balabaqsha ashý syndy 14 joba maquldanyp, qoldaý kórsetildi.
Elbasynyń kásipkerlikti qoldaý jáne damytý mindettemesin oryndaý maqsatynda qurylǵan bul mekeme óz isin bastaımyn degen árbir kásipkerge nemese sharýaǵa arzandatylǵan, qol jetimdi nesıe taratady, dep habarlaıdy OQO ákiminiń baspasóz qyzmeti.
