Ońtústiktegi eńbek jármeńkesinde 500-den asa jumys oryndary usynyldy
ShYMKENT. QazAqparat - Ońtústik Qazaqstan oblysy, Saryǵash aýdanynda bos jumys oryndary jármeńkesi ótti. Onda 30 dan asa jumys berýshi mekemeler qatysyp, 500-den asa jumys oryndary usynyldy, dep habarlaıdy QazAqparat tilshisi.
Aýdanda «Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan baǵdarlamasy» boıynsha bıyl 2 myńnan astam azamat qaıta oqýǵa jiberilgen. Kúni búginge deıin solardyń teń jartysy qaıta daıarlyqtan ótip úlgerdi. Ázirge 3-ten biri turaqty jumysqa turǵan. Jármeńkede baǵdarlama boıynsha qysqa kásibı daıarlyqtan ótken azamattarǵa sertıfıkat tabys etilip, oblys ákiminiń aktsııasy aıasynda tartý-taralǵylar jasaldy. Ári olarǵa bos jumys oryndary usynyldy.
Aıta keteıik, oblysta qysqa merzimdi kásiptik oqytýǵa 12 myńnan asa azamat jiberilse, onyń 5 myńnan astamy oqýyn bitirgen. Taǵy bir jarym 1,5 myńǵa jýyq turǵyn turaqty jumyspen qamtylyp otyr. Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Muhıt Otarshıev jańa jyldan bastap jumys oryndarynyń kóptep ashylatyn jetkizdi. Onyń aıtýynsha, búginde basqarma memlekettik, bıýdjettik mekemelerdegi eńbek naryǵyna turaqty monıtorıng jasap, kásiporyndardaǵy bos jumys oryndaryna da taldaý júrgizip otyrady. Bul turǵyndarǵa der kezinde eki qolǵa bir kúrek usynýdyń joly bolmaq.
