Ońtústiktegi emdeý mekemelerin tsıfrlandyrýdy Shymkentten bastaý kerek - Baqytjan Saǵyntaev
ShYMKENT. QazAqparat - Qazaqstan Respýblıkasynyń Premer-Mınıstri Baqytjan Saǵyntaev Ońtústik Qazaqstan oblystyq klınıkalyq aýrýhanasynda bolyp, densaýlyq saqtaý salasy mekemeleriniń basshylarymen kezdesti. Óńirdegi osy sala boıynsha qordalanǵan máselelermen tanysty, dep habarlaıdy QazAqparat tilshisi.
Bas dárigerlermen bolǵan jıyn barysynda óńirdiń densaýlyq saqtaý júıesin jańǵyrtý, memlekettik-jekemenshik áriptestik pen jeke qyzmetter sektoryn damytý máseleleri qaraldy. Condaı-aq aýrýlardy basqarý baǵdarlamalaryn tsıfrlandyrý jáne ázirleý, aýrýlardy emdeýden aldyn-alýǵa kóshý, mindetti medıtsınalyq saqtandyrýdy engizý, kadrlardy daıarlaý, densaýlyq saqtaý naryǵyn yryqtandyrý jáne jekemenshik uıymdardyń ákimshilik kedergilerin azaıtý, ınvestıtsııalar tartý, ınfraqurylymdy jetildirý jáne memlekettik-jekeshelik áriptestikti damytý jaıy sóz boldy. Bul rette Úkimet basshysy medıtsınadaǵy jańa tehnologııalarǵa kóńil bólip, óńirdegi emdeý mekemelerin tsıfrlandyrý júıesine kóshirý máselesin tezdetý qajettigin atap ótti. Sebebi, oblystaǵy emdeý mekemeleri ınternetke qosylmaǵan, búgingi kúnge mekemelerdiń ınternetpen qamtylý deńgeıi 78 paıyzdy quraıdy.
«Máselen Shymkent qalasy ınternetke qosylǵan. Qaladaǵy emdeý mekemelerin tsıfrlandyrýǵa kóshirýge ne kedergi bolyp otyr. Sony jasap aıtyńyzshy mıllıon halqy bar Shymkentte barlyǵy tsıfrlandyrýǵa kóshirilgen dep, turǵyndar úıden shyqpaı smartfon arqyly dárigerge jazylyp jatyr dep. Densaýlyq boıynsha aqparatyn alyp otyr dep. Al, aýdandardy ınternetke qosý máselesi birtindep sheshiletin bolady. Ol kún tártibinde qamtylyp otyr»,- dedi Baqytjan Saǵyntaev.
Jıynda ońtústik óńirde aýrýhanalar men emhanalar jetispeýshiligi jóninde qordalanǵan problemalar da aıtyldy.
«Halqy tyǵyz ornalasqan Saryaǵash aýdanynda jedel járdem qyzmeti jetispeıdi. Shalǵaıda ornalasqan Shardara, Maqtaral jáne Saryaǵash aýdandarynda 700 myńdaı halyq turady. Ol jerlerge perzenthana, emhana salý qajettiligi týyndaǵan. Sondaı-aq mamandar tapshylyǵy boıynsha 195 dáriger jetispeıdi. Bizge kóbinese pedıatr, neanatolog, reanımatolog dárigerler jetispeıdi»,- dedi oblystyq densaýlyq saqtaý basqarmasynyń basshysy Muqan Egizbaev.
Bul máselelerge oraı Úkimet basshysy densaýlyq saqtaý salasy boıynsha naqty júıeli jumystar júrgizilip jatqanyn, atalǵan máselelerdiń barlyǵyn erekshe baqylaýda ustap otyrǵanyn atap ótti. 2017 jyly jeke sektorǵa qoıylatyn shekteýler 1,7 ese joıyldy. Bul densaýlyq saqtaý salasyna salynatyn jeke ınvestıtsııalardy eki esege - 44,2 mlrd teńgege deıin ulǵaıtýǵa jol ashady. MÁMS júıesin engizý boıynsha júıeli jumystar jalǵasýda: zańnamalyq baza quryldy, ótken jyldan bastap qor jumys isteı bastady, jumys berýshiler aqsha aýdarymdaryn júrgizip jatyr.
«Jedel-járdem jetispeýshiligi boıynsha bizde qalalarda jumystar júrgizilip jatyr. Mysaly, patsıentke shaqyrylǵan jedel járdemge shyqqan brıgada kompıýter arqyly ol naýqastyń kim ekenin, qandaı aýrýmen aýyryp jatqanyn bilip otyratyn bolady. Bul týraly aldyn ala aqparat beredi. Buǵan biz kóship jatyrmyz. Ekinshi másele, kóshede avtokólik kóp. Ýaqytyly jetý qıyn. Osyǵan endi shaqyrtý túse salysymen jedel járdem qyzmeti jol patrýldik polıtsııasyna habar beredi, qaı jerge, qaı kóshege, qaı úıge bara jatqany jóninde. Osyǵan polıtseıler ol kólikke baǵdarshammen jasyl dáliz jasaıdy. ıAǵnı jedel járdem qyzmetiniń kóligi baǵdarshamnyń qyzyl túsine turyp qalmaıdy. Qazir osy máseleni tıisti mamandarǵa tapsyrma berip, júzege asyrýyn qarastyryp jatyrmyz»,- dedi Úkimet basshysy.
Baqytjan Saǵyntaev sondaı-aq jer-jerlerde jekemenshik klınıkalar ashý kerektigin aıtyp ótti. Qazirdiń ózinde jeke klınıkalar ashý úshin qoıylǵan ondaǵan talaptardyń qysqartylǵanyn tilge tıek etti.
Al, elimizdiń Densaýlyq saqtaý vıtse-mınıstri Lázzat Aqtaeva bolsa respýblıkada aýyldyq jerlerdegi emdeý mekemeleriniń 39 paıyzy ınternetke qosylmaǵandyqtan olardyń tizimi jasalyp, Aqparat jáne kommýnıkatsııalar mınıstrligine tapsyrylǵanyn jetkizdi. Jospar boıynsha bul eldi mekender 2021 jylǵa deıin ǵalamtorǵa qosylatyn bolady.
