Ońtústikte jaýyn, soltústikte qar: 30 qarashanyń kún raıy boljamy

ASTANA. QazAqparat – «Qazgıdromet» RMK-sy 30 qarashaǵa jasalǵan kún raıy boljayn jarııalady, dep habarlaıdy QazAqparat.

Respýblıkanyń basym bóligi áli de sýyq Soltústik antıtsıklonnyń yqpalynda bolǵandyqtan kún ashyq alaaıda aıaz bolady.

Atmosferalyq fronttardyń ótýimen respýblıkanyń soltústik-batysynda, soltústiginde qar, eldiń ońtústiginde, ońtústik-shyǵysynda jaýyn-shashyn (jańbyr, qar) jaýady.

Qazaqstan Respýblıkasynyń aýmaǵynda jeldiń kúsheıýi, soltústik-batysynda, soltústiginde jaıaý burqasyn, taýly aýdandarynyń ońtústiginde, ońtústik-shyǵysynda tuman, kóktaıǵaq bolady.

Jetisý oblysynyń soltústiginde, shyǵysynda, Alakól kólderi aýdanynda kúshti jel turady, jyldamdyǵy sekýndyna 30 m/s-ke jetedi, keı jerlerde jeldiń jyldamdyǵy odan da joǵary bolýy yqtımal.

Túrkistan oblysynyń taýly, taý aýdandarynda nóser jaýyn-shashyn (jańbyr, qar) bolady, Jambyl oblysynda qar jaýady.