Ońtústikte jastar mal soıý men at ertteýden jarysty
Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda aıtylǵan mindetterdi júzege asyrý maqsatynda jáne «Salt-dástúr - ulttyq rýhtyń negizi» taqyryby aıasynda uıymdastyrylǵan jarystar «Aýyldaǵy bir kúnim» jobasynyń barysynda ótti.
Saıdyń tasyndaı iriktelip, 5 komandaǵa bólingen jastar ulttyq salt-dástúrimizdi jańǵyrtý, shyǵarmashalyq qabilet pen ónerge degen qushtarlyqty arttyrý maqsatynda ózara synǵa tústi. Er jigitter mal soıyp, atty ertteýden, otyn jaryp, samaýryn qoıý men jún qyrqýdan eptilikterin tanytty. Al boıjetkender taba nan pisirý men túıe saýýdan, kúbi pisý men qurt jasaýdan, baýyrsaq pisirý sekildi syndardan ótti.
Osylaısha jastar bar ónerlerin ortaǵa saldy. Biri synda jeńilis tapsa, kelesi synda ese qaıtaryp, kórermenderdiń delebesin qozdyrdy. Jınalǵan qaýymǵa tamasha kóńil-kúı syılady. Ásirese, jastardyń atty ertteý, mal soıý, jún qyrqý, kúbi pisý, qurt jasaý syndaryndaǵy sáti tartysty ári shıelenisti ótip, qazylar alqasynyń baǵa berýine de qıyndyqtaryn týdyrdy. 
Saıys qortyndysynda «Alash» toby yntalandyrý syılyǵyna ıe bolsa, úshinshi oryn «Qazaq jastary» komandasyna buıyrdy. «Aı medet» toby ekinshi oryn alsa, «Samuryq» toby júldeli birinshi oryndy aldy. Jobanyń bas báıgesi men Otyrar aýdany ákimdiginiń arnaıy júldesine «Saryjaılaý» toby laıyq dep tanyldy. Jeńimpazdar men júldegerlerdi arnaıy syılyqtarmen marapattaǵan aýdan ákiminiń orynbasary Ryskeldi Álish pen Oblystyq jastar resýrstyq ortalyǵynyń dırektory Bereke Dúısebekovter Ult kóshbasshysynyń syndarly saıasatyn óskeleń urpaqtyń arasynda jan-jaqty nasıhattaý, salt-dástúrimizdi jańǵyrtýǵa qosqan úlesteri úshin jastarǵa aýdan ákimi Erlan Aıtahanovtyń ystyq yqylasqa toly alǵysyn jetkizdi.
