Ońtústikte jas aqyndar aıtysy ótti
ASTANA. QazAqparat - Ońtústik Qazaqstan oblysynda «Elbasy - eldiń tiregi!» atty oqýshylar arasynda oblystyq aıtys ótti, dep habarlaıdy oblys ákimdiginiń baspasóz qyzmeti.
El Táýelsizdiginiń 25 jyldyǵy men 1- jeltoqsan tuńǵysh Prezıdent kúnine oraı uıymdastyrylǵan dodada ár aýdannan kelgen 10 jas aqyn baqtaryn synady. Aıtysta «qara sózdiń maıyn ishken» azýly aqyndarymyz Áselhan Qalybekova men Anar Japparqulovalar qazylyq etti.
Oblystyq bilim basqarmasynyń uıymdastyrýymen júzege asqan sharada jas aqyndar «Táýelsizdik» pen «Elbasy» taqyrybyn jyrǵa qosty. Aqyndardyń sóz saptaýy men maqamyna qaraı baǵalaǵan qazylar alqasynyń tóraǵasy Á.Qalybekova bilim salasyndaǵy jetistikter men ónerli oqýshylardyń basqarma tarapynan qoldaý tapqany úshin alǵysyn bidirdi.
Alaman báıge nátıjesi boıynsha, bas júldeni otyrarlyq Muhıt Babaqulǵa alsa, I oryndy B.Ótep atyndaǵy óner mektebiniń oqýshysy Dastan Orynbaı jeńip aldy. Al júldeli II oryn osy mekteptiń oqýshysy Bazarbek Bekjanǵa buıyrsa, III oryndy túrkistandyq Baqdáýlet Qojanov pen Arystan Maǵjan ózara bólisti. Sonymen qatar, tólebılik Ahaı Ulyqbek bolashaǵynan úlken úmit kúttiretinin aqyn ekenin kórsetti.
