Ońtústikte UOS ardagerlerine 226 myń teńge kóleminde birjolǵy materıaldyq kómek berildi

ASTANA. QazAqparat - Ońtústik Qazaqstan oblysynda Uly Jeńistiń 72 jyldyǵyna oraı soǵysqa qatysýshy maıdangerlerge 100 aılyq eseptik kórsetkish kóleminde, ıaǵnı, 226,9 myń teńge  birjolǵy materıaldyq kómek berildi. Al, olarǵa teńestirilgen jáne tyl ardagerlerine 5 AEK, ıaǵnı, 11345 teńge mólsherinde birjolǵy áleýmettik qoldaý kórsetildi. Sonymen qosa 233 UOS ardageriniń úıine arnaıy quttyqtap baryp, 100 myń teńgeniń kóleminde syı-sııapat jasalyp, qurmet kórsetilýde, dep habarlaıdy oblystyq ákimdiktiń baspasóz qyzmeti.

Búginde ot pen oqtyń arasynan elge oralǵan maıdangerlerdiń búginde 233 UOS ardageri, al, 996-sy soǵysqa qatysýshylar men múgedekterine  teńestirilgender bolsa,  19 199-y tylda eńbek etkender.

Urpaqtyń baqytty bolashaǵy men beıbit ómir súrýi úshin shaıqasqan UOS ardagerlerine jyl saıyn áleýmettik qoldaýlar men qurmt kórsetilip keledi. Máselen, olarǵa medıtsınalyq kómek respýblıkalyq ári óńirlik deńgeıde aqysyz kórsetiledi. Sonymen qatar jyl saıyn aǵa urpaq ókilderin saýyqtyrý maqsatynda 7,8 myń jekelegen sanattaǵy azamattarǵa oblystaǵy túrli  saýyqtyrý ortalyqtaryna joldama beriledi. 

Sondaı-aq, óńirde «Qamqorlyq» aktsııasy sheńberinde demeýshiler esebinen  Uly Otan soǵysy ardagerlerine 8,4 mln. teńgege demeýshiler esebinen kommýnaldyq jeńildikterge kómek kórsetildi.