Ońtústikte shegirtkege qarsy 26,7 myń ga jer óńdeldi
ShYMKENT. QazAqparat - Ońtústik Qazaqstan oblysynda shegirtkege qarsy 26,7 myń ga jer óńdelip, búginde osy baǵytta jumystar tolyǵymen aıaqtaldy. Úıirsiz saıaq shegirtkege qarsy kúres jumystaryna oblystyq bıýdjetten 48 mln teńge qarjy bólingen. Búginde bul shegirtke túrinen sharýalarǵa keler qaýip joq. Aımaqtyq kommýnıkatsııalar qyzmetinde ótken brıfıngte oblystyq aýyl sharýashylyq basqarmasynyń basshysy Serik Turbekov osylaı málimdedi.
Onyń aıtýynsha, oblysta shegirtkelerdiń 122 túri bolsa, sonyń 4 túrine zalalsyzdandyrý jumystary júrgizilýde. Qalǵan túrinen sharýalarǵa keler qaýip joq. Saıaq shegirtkelerdiń kóbeıý oryndarynda marokkalyq shegirtkelerdiń aralas bolýyna baılanysty óńdeý jumystary «Ósimdik qorǵaý» JShS-men birlese júrgizildi. Óńdeý jumystaryna 22 tehnıka jumyldyrylyp, nátıjesinde 26,7 myń ga jer zalalsyzdandyryldy.
Sondaı-aq, baspasóz máslıhatynda basqarma basshysy OQO aýmaqtyq ınspektsııa tarapynan 91,37 myń ga alqapqa marokko shegirtkesine qarsy hımııalyq óńdeý jumystary júrgizilgenin aıtty.
Brıfıngte QR AShM AÓK MIK OQO aýmaqtyq ınspektsııanyń ókili osy jyly kóktem aılary óte qolaısyz bolyp, jıi jaýǵan jańbyr men shóptiń bıik ósýi áserinen júrgizilgen óńdeý jumystary kútilgen nátıjeni bermegenin aıtty.
Osynyń saldarynan marokkalyq shegirtkeler qonystanǵan alańdar 27,6 myń ga deıin ulǵaıǵan. Búginde zııankesterdi joıý baǵytyndaǵy jumystar eselenip, respýblıkadan qosymsha qarjy bólindi. Mamandar shegirtkemen kúres jumystaryn aýa-raıy qolaıly bolyp tursa 3-4 kúnniń ishinde aıaqtaýdy josparlap otyr.
