Ońtústikte Otyrar aýdanynyń kúnderi ótti
Elbasy N. Á.Nazarbaevtyń «Bolashaqqa baǵdar: rýhanı jańǵyrý» maqalasy aıasynda «Týǵan jer» baǵdarlamasyn júzege asyrǵan otyrarlyqtar aldymen, №5 oblystyq arnaýly áleýmettik qyzmet kórsetý ortalyǵynda bolyp, kontserttik baǵdarlama uıymdastyrdy. Qam kóńil jandarǵa merekelik kóńil-kúı syılaǵan sharapatty sharada aýdan əkimi Erlan Aıtahanov mekeme atyna jáne qarııalarǵa syı-sııapattar tabystady.
Festıval aıasyndaǵy shara odan ári Oblystyq ázil-syqaq jáne satıra teatrynda jalǵasty. Tárbıelik máni zor «Aq bosaǵań - aryń» spektakli qoıyldy.
Sondaı-aq Otyrar oblystyq ǵylymı-əmbebap kitaphanasynda əlem aqyny atanǵan, Otyrardyń otty uly Muhtar Shahanovpen kezdesý keshi ótti. Mədenıet pen rýhanııat kókjıegine samǵatqan júzdesýde aqynnyń jańa óleńderi tanystyrylyp, óskeleń urpaqty ultyn súıýge, patrıottyq rýhqa tárbıeleıtin taǵylymdy áńgimeler aıtyldy.
Al keshkilik baǵdarlamany otyrarlyqtar "1 qaýyn, 1 qarbyz" aktsııasymen bastady. Aýyl sharýashylyq ónimderiniń jərmeńkesinde kıeli aýdannyń ónimderi tegin taratyldy. Budan bólek, ulttyq qolóner, sýret kórmesi men sporttyq oıyndar uıymdastyryldy. Qazaq valsiniń koroli Shámshi Qaldaıaqovtyń eńseli eskertkishine gúl shoqtary qoıylyp, rýhyna taǵzym jasaldy.
Festıvaldiń qorytyndy gala-kontserti «Shámshi álemi» gúlzarynda ótti. Onda Otyrar aýdany ákimdiginiń arnaıy tapsyrysymen daıyndalǵan rejısser Batyrhan Dáýrenbekovtiń «Kóne qumyranyń syry» men «Otyrar dastany» anımatsııalyq fılmderiniń tusaýy kesildi. Úsh bólimnen turatyn keshkilik baǵdarlamada tanymal ánderden quralǵan ánder, jeke oryndaýshylar men dýet, trıodan quralǵan ónerpazdar óner kórsetti. Sonymen qatar kúı saıysy, jetigen aspabynda oryndalǵan əsem ánder de kóptiń kóńilinen shyqty.
Aýdanǵa qarasty 13 aýyldyq okrýg túgeldeı atsalysqan sharaǵa 350-den asa óner ıesi qatysyp, 100 adamnan quralǵan hor áýezdi ánder oryndady.
