Ońtústikte iri jol apatynda 1 adam qaza taýyp, 11-i zardap shekti
ShYMKENT. QazAqparat - Jol apattary jıi bolatyn Tashkent tas jolynda taǵy bir iri kólik oqıǵasy oryn aldy, dep habarlaıdy QazAqparat tilshisi.
OQO ІІD baspasóz qyzmetinen habarlaǵandaı, 16 qazan kúni Almaty-Tashkent-Termez tas jolynyń 737-shaqyrymynda jolaýshylar avtobýsy men júk kóligi soqtyǵysqan. Avtobýsty 1973 jyly týǵan Shymkent turǵyny júrgizgen, al júk kóligin 1991 jyly týǵan Saıram aýdanynyń turǵyny tizgindegen. Ekeýi de bir baǵytta qozǵalyp kele jatqan.
Oqıǵa saldarynan 20-25 jastaǵy er adam qaza tapty, polıtsııa onyń aty-jónin anyqtaý ústinde. 9 adam Qazyǵurt aýdanynyń aýrýhanasyna jatqyzylsa, taǵy eki zardap shegýshi - er adam men áıeldi «jedel járdem» kóligi Shymkenttiń jedel medıtsınalyq járdem aýrýhanasyna alyp keldi.
«Er adam bas-mı jaraqatyn alǵan jáne mıy shaıqalǵan. Áıeldiń hali odan da aýyr. Ol áli jansaqtaý bóliminde jatyr. Jabyq bas-mı jaraqatynan bólek, áıeldiń jambas súıekteri men eki aıaǵynyń jilinshikteri synǵan», - dedi Shymkent jedel járdem aýrýhanasy qabyldaý bóliminiń meńgerýshisi Sábıt Baıbosynov.
