Ońtústikte dárilik ósimdikterdi zańsyz jınap júrgen 50 aýǵandyq ustaldy
ShYMKENT. QazAqparat - Ońtústik Qazaqstan oblysy Arys aýdanynda jergilikti polıtsııa men tabıǵatty qorǵaý polıtsııasynyń qyzmetkerleri ferýla-dárilik ósimdikterin jınaýmen aınalysqan Aýǵanstannyń 51 azamatyn ustady, dep habarlaıdy QazAqparat tilshisi.
Oblystyq ІІD-niń málimetinshe, reıdtik is-shara barysynda sheteldikterdiń qujattaryn tekserý kezinde olardyń oblys aýmaǵynda eńbek etýge ruqsattama qujatynsyz júrgeni anyqtalǵan. Osydan keıin tártip saqshylary olardy Arys qalalyq ishki ister basqarmasyna jetkizip, kóshi-qon polıtsııasyna tapsyrǵan.
Qazirgi tańda zań buzýshylarǵa qatysty QR ÁQBtK-niń 517-babymen is qozǵalyp, tergeý amaldary júrgizilýde. Jınaqtalǵan materıaldar protsessýaldy sheshim shyǵarý úshin sotqa joldanady.
Aıta keteıik, buǵan deıin de dárilik ósimdikti zańsyz jınaýmen aınalysyp júrgen júzdegen aýǵandyq Saryaǵash aýdanynan ustalǵan bolatyn. Olardyń da Qazaqstanda jumys isteýge ruqsat qaǵazy bolmaǵan. Sheteldikterge ákimshilik shara qoldanylyp, elden alastatyldy.
