Ońtústikte áleýmettik jelige úzdik post jazǵandar marapattaldy

ShYMKENT. QazAqparat - Ońtústik Qazaqstan oblysynda áleýmettik jeli qoldanýshylary arasynda ótken úzdik jazbalar baıqaýynyń jeńimpazdary marapattaldy, dep habarlaıdy QazAqparat tilshisi.

Ońtústik Qazaqstan oblystyq ishki saıasat basqarmasynyń tapsyrysy boıynsha «Jańa Dáýir» qoǵamdyq birlestigi men Qazaqstan Jýrnalıster odaǵynyń oblystyq fılıaly uıymdastyrǵan «Ońtústik ǵajaıyptary» atty baıqaýǵa bas-aıaǵy 35 úmitker qatysty. Olar aǵymdaǵy jyldyń naýryz-qyrkúıek aılary aralyǵynda áleýmettik jelidegi arnaıy paraqshada Ońtústik Qazaqstan oblysynyń 85 jyldyǵyn, óńirdiń áleýmettik-ekonomıkalyq damýyn, tarıhy men shejiresin, uly tulǵalar men olardyń týyndylaryn nasıhattaý boıynsha óz jumystaryn jarııalaǵan bolatyn. Nátıjıesinde 16 úmitkerdiń áleýmettik jelide jarııalaǵan posttary iriktelip alynyp, arnaıy komıssııaǵa usynyldy.

Baıqaý qorytyndysy boıynsha 1-oryn men 300 myń teńgeni jýrnalıst  Keńes Ismaılov pen jergilikti bloger Dastan Basshırov jeńip aldy. Al 2-oryn men  200 myń teńge kólemindegi syıaqyny  úsh qatysýshy ıelendi. Sol sııaqty 3-oryn men  yntalandyrý syılyqtary da birqatar azamattarǵa berildi.

Aıta keteıik, shara barysynda eń kóp post (92 post) jazǵan tanymal jýrnalıst Keńes Ismaılov baıqaý aıasynda jarııalanǵan jazbalardy ózge oblys turǵyndary men sheteldikter de qyzyǵa oqyǵanyn aıtyp ótti. Al tarıhshy, baıqaýdyń belsendi qatysýshysy Ómir Shynybekuly «Ońtústiktiń erekshe jerlerin áli de bolsa kóbirek nasıhattaý kerektigin, bul óńirdiń áli ashylmaǵan jańa qyrlaryn tanytýǵa múmkindik beretindigin atap ótti.