Ońtústikte 2016 jyly 765 egiz náreste dúnıege keldi
ASTANA. QazAqparat - Ońtústik Qazaqstan oblysynda jyl saıyn demografııalyq potentsıal artyp, ana men bala ólimi azaıyp keledi.
Máselen, 2016 jyly óńirde jalpy 79 195 náreste dúnıe esigin ashty, onyń 765-si egiz bolsa, 5-eýi - úshem, dep habarlaıdy QazAqparat oblys ákimdiginiń baspasóz qyzmetine silteme jasap.
Elimizdegi árbir besinshi bala Ońtústik Qazaqstanda ómirge kelse, sonyń ishinde bala týýdyń eń joǵary kórsetkishi boıynsha Shymkent qalasy alda tur. Ótken jyly qalada 36 191 bala dúnıege kelgen. Al, oblys aýdandarynyń arasynda bala týý sany jaǵynan Túrkistan qalasy aldyńǵy oryndy ıelenip otyr, onda ótken jyly 8742 sábı dúnıege keldi. Odan keıingi orynda Maqtaral aýdany tur - 7880 shaqalaq. Al, Saryaǵash aýdanynda 7425 náreste dúnıege kelgen.
Elimiz Táýelsizdigin alǵannan keıin densaýlyq saqtaý salasyn qarjylandyrýdy arttyrý esebinen jańa medıtsınalyq mekemeler salyndy. Materıaldyq-tehnıkalyq jabdyqtaý jaqsardy. Zamanaýı qural-jabdyqtar men qondyrǵylar oblys ortalyǵynda ǵana emes, aýdandar men qalalarda ornatyldy. Osynyń nátıjesinde, óńirde ana men bala ólimi azaıyp, týý kórsetkishi artyp keledi.
2015 jyly Ońtústik Qazaqstan oblysynda 79 125 sábı dúnıege keldi.
