Ońtústikte 100-ge jýyq adam kásiptik mamandyq aldy
ASTANA. QazAqparat - Ońtústik Qazaqstanda qysqa merzimdi kásiptik oqýdy aıaqtaǵan 100-ge jýyq adamǵa kýálikter berildi. Olar «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda uıymdastyrylǵan úsh aılyq kýrsty sátti aıaqtady. Qatysýshylardyń basym kópshiligi tiginshilikti ıgerse, qalǵany elektr slesari mamandyǵyn meńgergen. Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń mamandary málim etti, dep habarlaıdy QazAqparat.
Úsh aı ishinde mamandyqty meńgergen azamattar turaqty jumysqa da ornalasty. Az ýaqyt aralyǵynda biri tiginshi, biri elektr slesari mamandyǵyna mashyqtanyp aldy. Endi jumysqa kirisýge saqadaı saı. Al Móldir Amantaeva tipti óz bıznesin ashpaq. Baǵdarlama qatysýshysy aldaǵy ýaqytta jeńildetilgen nesıe alyp, jeke tigin tsehyn qurýǵa nıetti.
Aıta keteıik, oblysta baǵdarlamanyń birinshi baǵyty sheńberinde mamandyǵy joq azamattar eńbek naryǵynyń suranysyna oraı kásiptik bilim alýǵa - 4500, qysqa merzimdi kásiptik oqytýǵa 12 myńnan asa adam joldandy. Qysqa merzimdi kásiptik oqytýǵa joldanǵandardyń jartysyna jýyǵy oqýdy aıaqtap, 2 myńǵa jýyq adam jumysqa ornalasty. Jergilikti bılik ókilderiniń aıtýynsha, oblysta baǵdarlamany óz deńgeıinde iske asyrý nátıjesinde jumyssyzdar azaıyp, suranysqa ıe mamandar qatary tolyǵyp otyr.
Aıta keteıik, búginde óńirde suranysy zor tiginshi, santehnık, elektr slesari sııaqty bas-aıaǵy on bes mamandyqtyń tizimi jasaqtalyp otyr. Jumyssyzdyqpen kúresý maqsatynda qolǵa alynǵan baǵdarlama aıasynda osynaý mamandyqtarǵa azamattardy kysqa merzimdi kásiptik oqytý jospary óz deńgeıinde júrgizilýde.
