Ońtústikte 1,2 trıllıon teńgeniń ınvestıtsııalyq jobalary iske asyrylmaq
Oblysqa ınvestıtsııa tartý jáne búgingi jaǵdaıdy talqylaý maqsatynda uıymdastyrylǵan basqosýǵa aımaqtyq keńestiń músheleri, jumys istep turǵan jáne áleýetti ınvestorlar men óńirdiń iri kásipkerleri qatysty.
Óńirge ınvestıtsııa jumyldyrý boıynsha jyl basynan beri sheteldik ınvestorlarmen 40-tan asa iskerlik kezdesý uıymdastyrylǵanyn aıtqan aımaq basshysy jyl basynan beri oblysqa 229,9 mlrd. teńge kóleminde ınvestıtsııa tartylǵanyn jetkizdi.
«Ótken jyldyń tıisti kezeńimen salystyrǵanda ınvestıtsııa tartý kórsetkishi 131,5 paıyzǵa artty. Bul respýblıkadaǵy úlestiń 5,7 paıyzyn qurap otyr. Bıyl Birikken Arab Ámirligimen medıtsınalyq buıymdar men preparattar shyǵarý zaýytyn salý, Reseımen birge Evro-5 talabyna saı janarmaı shyǵaratyn munaı óńdeý zaýytyn salý kelisimderi túzildi. Ońtústik óńiri munymen qosa Qytaımen birge bıetanol, fosfor tyńaıytqyshtary men qýaty 200 MVt kún elektr stantsııasyn salmaq»,-dedi Janseıit Túımebaev.
Sonymen birge aımaq basshysy óńirde ınvestorlar úshin barlyq jaǵdaı jasalǵanyn atap ótti. Budan basqa, ol barlyq azamattardy birlese jumys isteýge shaqyryp, ınvestıtsııa tartýǵa kedergi jasaıtyn laýazymdy tulǵalardyń jaýapkershiligin qaraýdy aıtty.
Búginde oblysta aımaqtyq damý ınstıtýttarynyń tıimdi júıesi jasalǵan, olardyń negizgi tapsyrmasy óńirge ınvestıtsııa tartý jáne ınvestorlarǵa bir tereze qaǵıdasy boıynsha qolaıly jaǵdaı jasaý. Instıtýttar kásipkerlerge keńes beredi jáne qarjylyq pen ınfraqurylymdyq kómek kórsetedi.
Sonymen qatar, óńirde 11 ındýstrıaldy aımaq pen «Ońtústik» arnaıy ekonomıkalyq aımaq bar. Sońǵysynyń tıimdi erekshe rejımi men tolyq tartylǵan ınfraqurylymy bar. 2017 jyly osy «Ońtústik» arnaıy ekonomıkalyq aımaǵynda quny 3,4 mıllıard teńge bolatyn 4 joba júzege asyrylady dep kútilýde. Al ındýstrıaldy aımaqtarda 8,6 mıllıard teńgeniń 13 jobasy iske qosylmaq.
Búgingi tańda ındýstrıalandyrý baǵdarlamasy boıynsha júzege asqan ár 5 joba Ońtústik Qazaqstan oblysyna tıesili. Baǵdarlama aıasynda 8 jyl ishinde oblys aýmaǵynda jalpy quny 208,3 mıllıard teńgeniń 162 jobasy iske qosyldy. Onyń ishinde ınvestıtsııa kólemi 1,2 trıllıon teńge bolatyn 88 joba júzege asyrylý kezeńinde.
