Ońtústikkoreılik kemeniń apatyna Phenıannyń qatysy joq
ASTANA. Mamyrdyń 22-si. QazAqparat - Ońtústikkoreılik kemeniń apatyna Soltústik Koreıanyń qatysy týraly dáıekter «Seýlde Qurama Shtattardyń aralasýymen qoldan jasalyp otyr».
Koreıa Halyq Demokratııalyq Respýblıkasynyń syrtqy ister mınıstrliginiń ókili osyndaı málimdeme jasady, dep habarlaıdy ITAR-TASS agenttigi.
«Lı Men Bak (Ońtústik Koreıa prezıdenti) bastaǵan satqyndardyń tobyn qoldap» jáne korvet apatynyń mán-jaıyna júrgizilgen tekserýdiń naqty qorytyndysy jarııalanbaı turyp Phenıandy «bas kúdikti» dep ataǵan Vashıngton «Soltústik Koreıaǵa qatysty óziniń jaýgershilik saıasatyn jalǵastyrý jáne bizdiń elimizdi oqshaýlaýǵa qol jetkizý nıetin taǵy da pash etip otyr», delingen málimdemede.
Dıplomat, árqashan barlyq halyqaralyq mindettemelerdi oryndap otyrǵan eliniń «bul keme apatyna eshqandaı qatysy joq ekenin» atap kórsetti. «AQSh Soltústik Koreıany osy oqıǵamen baılanystyryp, Koreı túbegin denýklearızatsııalaý úderisin toqtatty», dep atap kórsetti ol.
