Ońtústikkoreılik «Chhonan» korveti Soltústik Koreıanyń torpedalyq shabýylynyń saldarynan apat boldy - saraptaý komıssııasy
ASTANA. Mamyrdyń 20-sy. QazAqparat - Quramyna AQSh, Avstralııa jáne Shvetsııa mamandary kiretin halyqaralyq saraptaý komıssııasy "Chhonan", ońtústikkoreılik korvettiń apatyna Soltústik Koreıanyń qatysy bar ekendigi týraly qorytyndyǵa keldi. "Chhonan" kemesi mamyrdyń 26-synda jarylyp, Sary teńizge batyp ketken bolady.
Bul týraly sársenbi kúni «Kıodo» aqparat agenttigine Seýldiń úkimettik toptaryndaǵy derek kóz habarlaǵan.
Keme apatyna «soltústikkoreılikterdiń torpedalyq shabýyly» sebep bolǵany týraly málimdeme, Koreıa Respýblıkasynyń Syrtqy ister mınıstri ıÝ Men Hvan sheteldik dıplomattar men jýrnalısterge: «"Chhonan" korveti, sarapshylardyń pikirinshe, torpedanyń jarylýynan oryn alǵan qýatty sýasty jarylystyń saldarynan sýǵa batyp ketkenin» aıtqannan keıin jasaldy. Bul oqıǵaǵa Soltústik Koreıanyń qatysy bar-joqtyǵy týraly tilshilerdiń biriniń saýalyna mınıstr «qatysy bar ekeni anyq», dep jaýap berdi.
