Ońtústikkoreıalyqtardy Astananyń arhıtektýrasy tańǵaldyrdy
ASTANA. QazAqparat - Fızıka boıynsha 45-shi Halyqaralyq olımpıadaǵa (IRho) Ońtústik Koreıadan kelgen qatysýshylar Qazaqstannyń san alýandyǵyna jáne Astananyń tazalyǵyna tańǵaldy. Bul jaıynda QazAqparat tilshisine bergen suhbatynda Ońtústik Koreıadan atalǵan olımpıadaǵa qatysýǵa kelgen delegatsııa jetekshileri Chavan Kım, Gýnsan Chon men Chahýk Hýh aıtty.
«Biz eki kún Almatyda boldyq, taýǵa shyqtyq, bul erekshe áser berdi. Bizdi eldiń arhıtektýrasy, mádenıeti, halqynyń san alýandyǵy tańǵaldyrdy», - dedi Chahýk Hýh.
Al onyń áriptesi Chavan Kım Qazaqstan astanasynyń tazalyǵyn aıtyp ótti.
