Ońtústikkoreıalyqtar Pavlodarda dıagnostıkalyq ortalyq salýdy kózdep otyr
ASTANA. QazAqparat - Ońtústik Koreıa eliniń mamandary memlekettik -jekeshelik seriktestik aıasynda Pavlodarda jumys istep, dıagnostıkalyq ortalyq salýdy kózep otyr, dep habarlaıdypavlodarnews.kz.
Oblys basshylarymen kezdespes buryn sheteldikter Pavlodar qalalyq emhanalar men aımaqtyq dıagnostıkalyq ortalyqty aralaǵan. Budan keıin ońtústik koreıalyq qonaqtar Pavlodar óńirinde dıagnostıkany damytý kerek degen oıǵa kelgen. - Menińshe, TMD-nyń basqa memleketteri sekildi Qazaqstanda da dıagnostıkany damytý kerek, - dedi aımaq basshysy Bolat Baqaýovpen bolǵan kezdesýde Pýsan qalasyndaǵy «Gýd Gang-AN» aýrýhanasynyń basqarýshy dırektory So Ý Eng.
Ońtústikkoreıalyq mamandar Pavlodarda zamanaýı dıagnostıkalyq ortalyq sala alatyndaryn sózge tıek etti. Óz kezeginde jergilikti bılik ókilderi ınvestorlarǵa aımaq turǵyndarynyń basqa memleketke shyqpaı, óz elderinde em alý úshin barynsha kómek berip, memlekettik tapsyryspen qolushyn sozýǵa daıyn ekenderin jetkizdi. - Biz sizderdi ózara seriktestikke shaqyramyz, - dedi Pavlodar oblysynyń ákimi Bolat Baqaýov. - Investorlarǵa memleket tarapynan kómek berý - Elbasymyzdyń aldyna qoıǵan eń negizgi maqsattarynyń biri. Medıtsına taqyryby biz úshin ózekti taqyryp, al, turǵyndardyń densaýlyǵy biz úshin óte mańyzdy. Sondyqtan, barynsha kómek berip, qoldaý kórsetýge daıynbyz».
