Ońtústikkoreıalyq alpınıst qyz 123 qabatty záýlim ǵımaratqa órmelep shyqty
ASTANA. QazAqparat - 28 jastaǵy ońtústikkoreıalyq alpınıst qyz Kım Djeın eshqandaı arnaıy qural-jabdyqsyz, tek saqtandyrý beldigimen ǵana 123 qabatty Lotte World Tower záýlim úıge órmelep shyqty.
Ońtústik Koreıadaǵy eń bıik ǵımaratty baǵyndyrýǵa sportshynyń shamamen eki jarym saǵattaı ýaqyty ketti.
YouTube vıdeotranslıatsııany osy ǵımarattyń arnasynan júrgizdi.
«Bul kúrdeli boldy. Men joǵary kóterilgen kezde ustaıtyn, aıaq tireıtin jerler taryla bastady»,-dedi bıiktikti baǵyndyrǵannan keıingi áńgimesinde alpınıst.
Ońtústikkoreıalyq Enhap agenttiginiń atap ótýinshe, Djeın birinshi synypty atlet. 11 jyldan beri ol azııalyq jarystarǵa úzbeı qatysyp keledi. Álemdiń deńgeıdegi 25 jarystyń jeńimpazy.
