Ońtústikqazaqstandyqtar tasqynnan zardap shekken turǵyndaryna kómek qolyn soza bastady
Jergilikti bılik pen jastardyń basyn qosqan alqaly jıynda sý tasqynynan zardap shekken azamattarǵa kómek kórsetý máseleleri kóterildi. Jastar arnaıy qoıylǵan jáshikke búginnen bastap qarjy jınap, bir kúndik jalaqylaryn aýdaratyn bolyp kelisti. Qınalǵan jurttyń jaǵdaıyna qarap otyrmaı,kóp bolyp qol ushyn sozaıyq degen qaýym oblys turǵyndaryna úndeý jarııalady.
«Qurmetti ońtústikqazaqstandyqtar!
Qaraǵandy, Qostanaı, Aqmola, Aqtóbe oblystaryn sý tasqyny beleń alýyna baılanysty otandastarymyz baspanasyz qalǵanyn jazýda. Olardy jergilikti bılik mektep jataqhanalaryna ornalastyryp jatyr. Oblystyń belsendi jastary oryn alǵan jaǵdaıǵa beı-jaı qaraı almaı, oblys turǵyndaryna úndeý jarııalaıdy. Otandastarymyzdyń qaıǵysy men basyna túsken qıyndyǵy búkil Qazaqstan halqynyń qabyrǵasyn qaıystyrdy. «Apat aıtyp kelmeıdi» deıdi dana halqymyz. Mundaı jaǵdaı kez kelgen elde, kez kelgen óńirde oryn alýy múmkin. Qıyn jaǵdaıǵa tap bolǵan jandarǵa qol ushyn sozý - adamgershiliktiń ǵajap úlgisi, ulttyq dástúrimiz arqyly bizdiń súıegimizge sińgen qasıet. Ejelden qarǵa tamyrly qazaqqa jaý da, daý da, toı da, qaıǵy men qaza da ortaq. Kómekke muqtaj baýyrlarymyzǵa kómek berý - azamattyq paryz. 
Sondyqtan, qolymyzdan kelgenshe qıyn sátte jerlesterimizdi jelep-jebeý maqsatynda oblysymyzdyń barsha turǵyndary men jastaryn, bedeldi kásipkerlerin, úkimettik emes uıymdardy, memlekettik jáne bıýdjettik mekemelerdi materıaldyq jáne moraldik kómek qolyn sozýǵa shaqyramyz. Tabıǵı apattan zardap shekkenderge kómek berý maqsatynda «Bizben birge» qoǵamdyq qorynyń arnaıy ashylǵan tómendegi esep-shotyna qaıyrymdylyq qarjylaryńyzdy aýdarýǵa bolady. Baýyrlarymyzǵa qoldaý kórsetip, baýyrmal bolaıyq!», - delingen úndeýde.
Budan ózge ortalyq ǵımaratyna turǵyndar búginnen bastap azyq-túlik pen kıim-keshek ákele bastady. Kásipkerler de qarap otyrmaı, eń qajetti degen tamaq ónimderin jetkizdi. Jastar óńirde qol ushyn sozamyn degen degen azamattarǵa arnaıy esep-shot ashylǵanyn málimdedi.
REKVIZIT:
«Bizben birge» qoǵamdyq qory
Shymkent qalasy, Qaıtpas 2 móltek aýdany №34-35
«Nur bank» AQ Shymkent q. fılıaly
BIN 150540004179
IIK KZ4284906KZ000966548
BIK NURSKZKX
KOD 18
Úılestirýshi: «Bizben birge» qoǵamdyq qorynyń tóraǵasy Andabaev Abaı
Baılanys nómiri: 8 7719630834, 87754040421.
ıAǵnı, tasqyn sýdan zardap shekkenderge kómektesemin degen kez-kelgen azamat osy esep-shotqa aqshasyn aýdara alady.
Eske sala ketsek, Astanada TaskynKomek shtaby jáne eriktilerdiń sý tasqynynan zardap shekkenderge kómek qabyldaý pýnkti ashyldy.