Ońtústikqazaqstandyq jýrnalıster Anadoly agenttiginde tájirıbe almasýda
ShYMKENT. QazAqparat - Ońtústikqazaqstandyq jýrnalıster ótken aptada Túrkııaǵa jol tartqan bolatyn. BAQ ókilderinen quralǵan top aldymen Ystanbulǵa kelip, álem boıynsha aqparat taratatyn 10 iri ortalyqtyń biri - Anadoly agenttiginiń jumysymen tanysty, dep habarlaıdy QazAqparat HAA tilshisi.
Onda qos tarap eki el arasyndaǵy yntymaqtastyq pen baılanystar jaıyn jáne búgingi BAQ salasynyń damý protsesin sóz etti. Anadolý agenttiginiń Ystanbul qalasyndaǵy úılestirýshisi Iylmaz ıAman Ońtústik Qazaqstannan kelgen jýrnalısterge baýyrlas elder arasyndaǵy áriptestik yntymaqtastyqty nyǵaıtýǵa nıetti ekenin jetkizdi. Bir ǵasyrǵa jýyq tarıhy bar ortalyq álemniń 85 elinen 11 tilde aqparat taratady. Sonymen birge Túrkııadaǵy jańalyqtar keńistiginiń 63 paıyzyn qamtıdy. Orta eseppen kúnine 1200 jańalyq taratatyn agenttikte 2300-ge jýyq azamat jumys isteıdi. Álemniń 39 elinen óz keńselerin ashqan Anadolý agenttigi aldaǵy ýaqytta túrki tildes Qazaqstanda da óz bólimshelerin ashýdy josparlap otyr. Bir aptaǵa josparlanǵan sapar barysynda ońtústikqazaqstandyq jýrnalıster Ystanbul qalasyndaǵy Qazaqstan Respýblıkasynyń Bas konsýlymen kezdesip, tarıhı-mádenı oryndaryna saıahat jasaıdy.
Aıta keteıik, Ońtústikten barǵan BAQ ókilderiniń jumys saparyn úılestirýde QR Túrkııadaǵy Elshiligi men Ystambul qalasyndaǵy ókildigi atsalysty.
Foto: Abaı Omar
