Ońtústikqazaqstandyq jaýynger jaıly derek jazylǵan qutysha Reseı jerinen tabyldy

ShYMKENT. QazAqparat - Kýrsk shaıqasynda erlikpen qaza tapqan ońtústikqazaqstandyq jaýynger Ivan Kabanov jaıly derek jazylǵan qutysha Reseı jerinen tabyldy. Qundy jádigerdi týǵan jerine oblystyq máslıhattyń depýtaty  Dýlat  Ábish bastaǵan top Reseı elinen alyp keldi, dep habarlaıdy QazAqparat HAA tilshisi.

Jaýynger týraly habar «Pamıat» izdestirý tobynan kelgen. Onda  Kabanovtyń súıegi tabylyp, qaıta jerlengeni aıtylǵan. Derekke sáıkes, jaýynger 1942 jyly bolǵan shaıqas kezinde qaza tapqan. Onyń súıegi janynan kishkentaı qutysha tabylyp, ishinde meken-jaıy men aty-jóni jazylǵan paraqsha shyǵady. Ivan Kabanov maıdan dalasyna burynǵy Qyzylqum, qazirgi Shardara aýdanynan attanǵan eken. Erjúrek batyrdyń artynda qalǵan urpaqtaryna izdeý salynǵanymen, aýdannan dáıekti derek tabylmady. Dese de, arhıvtik zertteý boıynsha onyń 2 uly bar ekeni anyqtalǵan. Osylaısha Ekinshi dúnıejúzilik soǵysta erlikpen shaıqasqan shardaralyq jaýyngerlerdiń qataryna taǵy bir batyrdyń esimi qosyldy. Jaýyngerdiń kózindeı bolǵan jádigerdi aýdan basshysy óńirdiń tarıhı-ólketaný murajaıyna tapsyrdy.