Ońtústikqazaqstandyq jastar «NinetyOne» tobyn qoldap, aktsııaǵa shyqty
ASTANA. QazAqparat - Betterine qara betperde kıgen ońtústikqazaqstandyq jastar «NinetyOne» tobyn qoldap, aktsııa ótkizdi.
Vıdeo Facebook áleýmettik jelisinde jarııalandy. Qazaq jastaryn sharaǵa bastap barǵan ápkemiz óziniń atalmysh toptyń jankúıeri ekenin aıtady.
Ol: «Osy jerge «NinetyOne» tobynyń 25 jastan asqan tyńdarmandary men jankúıerleri jınalyp tur. Men sizderge bul toptyń mennen de jasy úlken tyńdarmandary bar ekenine kýágerlik beremin», - deıdi de, vıdeonyń osy tusynda atalmysh ápkemiz ben ájeıdiń boljammen «NinetyOne» tobynyń kontsertinde otyrǵan fotolary kórsetiledi.
Odan ári, musylmandarǵa shashty boıaý súnnet ekenin, Alla elshisi Paıǵambar shashty (s.ǵ.s.) qyzyl, sary, qońyr túske boıap júrýdi buıyrǵanyn aıtady. «Osylardy bilmeseńiz siz ózińizdi qalaı shyn musylmanmyn dep júrsiz?», - deıdi ol.
Sondaı-aq ápkemiz dala salty boıynsha ata-babalarymyz ben batyrlarymyz syrǵa taqqanyn, kúmis júzikterdi taǵyp júrý de musylmandyqqa qaıshy emestigin aıtady.
Keıin sharaǵa jınalǵan jastar sóz alyp, ózderiniń «NinetyOne» tobyn qoldaıtyndaryn aǵynan jaryla aıtty.
