Ońtústikqazaqstandyq delegatsııa Avstrııada jumys saparymen júr
ASTANA. QazAqparat - Tamyz aıynan bastap Ońtústik Qazaqstan oblysy delegatsııasynyń Avstrııa Respýblıkasyna issapary bastaldy.
Jumys sapary sheńberinde Ońtústik Qazaqstan oblysy delegatsııasynyń músheleri atalǵan eldegi dánekerlik elektrodtar shyǵaratyn Voestalpine Böhler Welding zaýytyn, Lasnıtshee ońaltý ortalyǵyn jáne Andritz AG sý elektr stansasyn tamashalady, dep habarlaıdy OQO ákiminiń baspasóz qyzmeti.
Sonymen qatar, ońtústikqazaqstandyq delegatsııa Shtırııa Federaldi jeriniń resmı jáne iskerlik toptarynyń ókilderimen kezdesý ótkizdi.
OQO kásipkerlik, ındýstrıaldy-ınnovatsııalyq damý jáne týrızm basqarmasynyń basshysy M.Qarabaev pen «Ontustik Tourism Center» aqparattyq ortalyǵy dırektorynyń mindetin atqarýshy J.Tólebekov Avstrııa tarapyna Ońtústik Qazaqstan oblysynyń týrıstik múmkindikterin tanystyrsa, Shtırııa kásiporyn ıeleri jáne týrızm birlestiginiń ókilderimen ózara yntymaqtastyq perspektıvalary talqylandy.
Aıta ketetin taǵy bir jaıt, ońtústikqazaqstandyq delegatsııanyń Avstrııaǵa sapary kezinde búgin ondaǵy álemge áıgili venalyq Ringenstrasser galereıasynda «Ońtústik» kórkemsýret kórmesi óz jumysyn bastady.
