Ońtústikqazaqstandyq 7 jasar balaǵa keshendi saraptama júrgizý qajet - Zaǵıpa Balıeva
ASTANA. QazAqparat - Ońtústikqazaqstandyq 7 jasar balaǵa keshendi ári tolyqqandy saraptama júrgizý qajet. Bul týraly Ortalyq kommýnıkatsııalar qyzmetindegi brıfıngte Zaǵıpa Balıeva aıtty, dep habarlaıdy QazAqparat.
«Keshendi, tolyqqandy bir saraptama júrgizý qajet. Ony qazirgi ýaqytta zańnamalyq quqyǵyna sáıkes tergeýshi taǵaıyndady. Saraptama eki taraptyń da ókilderin, joǵary bilikti mamandardy tarta otyryp, keshendi, tolyqqandy bolýy tıis», - dedi Zaǵıpa Balıeva BAQ ókilderiniń saýalyna oraı.
Elimizdiń bala quqyqtary jónindegi ýákiliniń atap ótýinshe, saraptama barynsha shynaıy jáne qaıta tekserýlerdi qajetsinbeıtindeı bolýy, barlyq taraptar onyń shynaıylyǵyna senimdi bolýy qajet.
«Tergeý saraptama nátıjelerin qoǵamǵa jetkizetin bolady dep oılaımyn», - dedi ol.
Esterińizge sala keteıik, OQO-nyń Abaı aýylynda birinshi synyp oqýshysyn uryp-soǵý jáne zorlaý faktisi boıynsha qylmystyq is qozǵalǵan bolatyn. Osy jaǵdaıdan keıin óńirdegi jaýapty sheneýnikterdiń birazy qyzmetinen bosatylyp, keıbiri qatań sógis aldy.
