Ońtústikafrıkalyq jigit tuzdan sýret salady
ASTANA. QazAqparat - Ońtústikafrıkalyq jas sýretshi Persı dúkende jumys istep júrgende qoımada bosqa shashylyp jatqan tuzdy kóredi. Ysyrap bolǵan yrys onyń ónerge degen erekshe kózqarasyn oıatqan, dep jazady «Habar 24».
Sýretshi oı-qııalyndaǵy beıneni qaǵazǵa túsirý úshin asa shyǵyndana qoımaıtynyn aıtady. Óıtkeni boıaý men kenepke qaraǵanda tuz anaǵurlym arzan.
Ázirge Persıdiń qolynan shyqqan týyndylar eshbir galereıada joq. Degenmen, ǵalamtor qoldanýshylary onyń eńbegine joǵary baǵa bergen. Qazir ol bos ýaqytyn ónerge arnap júr.
«Adamdar tuzdy tamaqqa qosady. Alaıda onymen sýret salýǵa da bolady. Men bir qap tuzdan keremet týyndy jasap bere alamyn», - deıdi sýretshi Persı Maıamela.
