Ońtústik jastary ulttyq qundylyq máselesin talqylady
Jastar úshin kópten kútken kezdesý Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn jastar arasynda keńinen nasıhattaý men jas urpaqtyń boıyna otansúıgishtik pen jaýapkershilikti, jańashyldyqty sińdirý maqsatynda uıymdastyryldy. Jıynda «Qazaqstan KVN Odaǵynyń» prezıdenti Esen Eleýken stýdentter men jas mamandardy ulttyq qundylyqty saqtaýǵa, óz eliniń patrıoty bolýǵa shaqyrdy.
«Ulttyq qundylyqtardy kelesi urpaqqa jetkizý úshin biz ózimizdiń ulttyq kodymyzdy saqtaýymyz kerek. Ulttyq kodymyzdy saqtaý úshin biz ózimizdiń mádenı, tarıhı qundylyqtarymyzdy damyta otyryp, álemniń jaqsy qasıtetterin boıymyzǵa sińirýimiz kerek. Jaqsydan úıren, jamannan jıren. Prezıdenttiń oı-pikirleri babalardyń ulaǵatymen astasyp jatyr. Atalarymyz uly dala men uly mádenıetti mura etti. Ol - jalpyǵa ortaq qundylyq»,- dedi «Qazaqstan KVN Odaǵynyń» prezıdenti.
Óz kezeginde jastar da mańyzdy maqalany qoldaıtyndyqtaryn jetkizip, ondaǵy máselelerge baılanysty usynystaryn ortaǵa saldy. Kópshilik aldynda sóz sóılegender rýhanı kemel el bolý - Elbasy armany, al mádenıet jańǵyryp, oı-óristi keńeıtý - ıgi bastama degen pikirlerin bildirdi. Endeshe Elbasynyń jastarǵa serpilis berýi keleshekke qamdanýdyń áreketi dep oı túıgen jastar aýyldarda atalmysh kezdesýdi jalǵastyrýǵa kelisti.
