04:25, 30 Naýryz 2018 | GMT +5
Ońtústik jastary ShQO-daǵy tasqynnan zardap shekenderge kómek jınaýda
ShYMKENT. QazAqparat - Taıaýda Ońtústik Qazaqstan oblysynyń jastary «Aıagózge kómek» atty úndeý jarııalaǵan bolatyn. Búgingi tańda oblystyń belsendi jastary, eriktileri qoldan kelgenshe kómek kórsetý maqsatynda azyq-túlik pen turmystyq qajetti zattardy jınaýda, dep habarlaıdy QazAqparat tilshisi.

Oblystyq «Jastar resýrstyq ortalyǵynda» qazirgi ýaqytta 590 keli kartop, 513 keli sábiz, 2 qap qyryqqabat, 550 keli pııaz, 50 keli alma jáne taǵy basqa da qajetti zattar jınaldy. Sondaı-aq, ońtústik jurtshylyǵy kómek retinde 104 800 teńge qarjy beripti. Ortalyq mamandary búginde úndeýge ún qosyp, qoldaý bildiremin degen jastardyń qarasy kún sanap kóbeıip jatqanyn jetkizdi.
Esterińizge sala keteıik, Óńirdegi birneshe eldi mekendi sý basyp, adamdar evakýatsııalanýda. Jergilikti deńgeıdegi tótenshe jaǵdaı rejimi jarııalanýda. Úıleri qıraǵan turǵyndarǵa jańa baspana berý máselesi sheshilýde.
Osyǵan baılanysty ońtústik óńiriniń belsendi jastary arnaıy top quryp, úndeý jarııalaǵan edi.