Ońtústik jastary Astanaǵa oraılastyrylǵan fleshmob ótkizdi

ShYMKENT. QazAqparat - Búgin Ońtústik Qazaqstan oblysynyń Túlkibas aýdanynda Qazaqstan Respýblıkasy Táýelsizdiginiń 25 jyldyǵyna oraı "Jastar resýrstyq ortalyǵy" KMM-niń uıymdastyrýymen "I LOVE ASTANA" taqyrybynda jastar fleshmoby ótkizildi, dep habarlaıdy aýdan ákimdiginiń baspasóz qyzmeti.

QR Táýelsizdiginiń 25 jyldyǵy bizdiń Otanymyzdyń árbir azamaty úshin úlken mereke. Azattyq ańsaǵan eldiń armany budan 25 jyl buryn oryndaldy. Táýelsizdik kúni - ǵasyrlar boıy azattyq ańsaǵan halqymyzdyń óshkeni janyp, eń asqaq armany oryndalǵan kún. Yntymaqty uran, tatýlyqty tý etken beıbit halqymyz 25 jylda tolaǵaı tabystarǵa jetti. Osy oraıda jastar fleshmoby aýdan ortalyǵynda ótti.
Ataýly is-sharanyń maqsaty jastar arasynda táýelsizdigimizdi alǵaly beri elimizdiń jetken jetistikterin, baǵyndyrǵan bıik belesterin, tolaǵaı tabystaryn nasıhattaý, jastardy patrıottyqqa otansúıgishtikke baýlý bolyp tabylady.
Ata-babalarymyz ańsaǵan Táýelsizdiktiń qadirin óskeleń urpaq túsine bilýleri shart. Aýdanda flesh-mobtan basqa da jastardy patrıottyqqa tárbıeleıtin, ulttyq qundylyqtarymyzdy ulyqtaýǵa baýlıtyn ıgi is-sharalar kóptep uıymdastyrylady. 
Sonymen qatar, jastardyń kásippen aınalysýlary úshin aýdanda múmkindikter qarastyrylǵan. Jastar Táýelsiz elimizdiń bolashaǵy bolǵandyqtan keleshekte týymyzdy qulatpaı tik ustaıtyn urpaq etip tárbıeleý búgingi qoǵamnyń mindeti bolyp qala beredi.