Ońtústik jáne Soltústik Koreıa arasynda kelissózder bastaldy
ASTANA. QazAqparat - Ońtústik Koreıa ókilderi shekaraǵa irgeles ornalasqan Phanmýndjom eldi mekenine KHDR-men joǵary deńgeıde eki jaqty kelisim júrgizýge keldi.
Bı-bı-sı teleradıohabarlaryn taratý korporatsııasy habarlaǵandaı, Phenıannyń bastamasymen ótetin kelissóz barysynda neniń talqyǵa túsetini belgisiz. Degenmen sarapshylar eki jaqqa bólinip ketken otbasylar máselesin jáne Ońtústik Koreı týrısteriniń Soltústik Koreıaǵa qaıta jiberilý jaıyn talqylamaq.
Phenıan Seýldiń Vashıngtonmen aqpan aıynda birlesip jasaıtyn áskerı jattyǵýlaryna qarsylyq retinde kelissózderdi boldyrmaýǵa ses kórsetip otyr.
Ótken jyly bolǵan áskerı jattyǵýlar jartyaraldaǵy jaǵdaıdy birshama dúrbeleńge túsirdi. Soltústik Koreıa ıadrolyq soqqy beremin dep qoqan-loqqy jasap, Seýlmen aradaǵy shuǵyl baılanys jelisin úzgen bolatyn.
Bı-bı-sı atap kórsetkendeı, sońǵy birneshe aptada Soltústik Koreıa bıligi ymyraǵa kelý jóninde birneshe málimdeme jasady.
