Ońtústik Sýdannyń ókimeti astanasyn kóshirýge uıǵardy
ASTANA. 5 qyrkúıek. QazAqparat - Ońtústik Sýdannyń úkimeti astanasyn Djýbadan Ramsel qalasyna kóshirýge uıǵardy. Bul týraly Bı-Bı-Sı habarlady.
Djýba qalasynyń aýmaǵynda turatyn Ortalyq Ekvatorııa shtatynyń jergilikti úkimet oryndary ortalyq ókimetke jańa memlekettik ǵımarattar salý úshin qajetti jer bólýden bas tartty.
Osy sebepten úkimet Djýbadan ketip, astanany Ramsel qalasyna kóshirmek. Kóshi-qonǵa alty jylǵa jýyq ýaqyt ketýi múmkin, óıtkeni Ramselde kóptegen úkimettik nysandardy salý qajet. Ramsel - Djýbanyń soltústigine qaraı 240 shaqyrym jerde ornalasqan.
