Ońtústik Sýdannyń Bentý qalasy jer betinen joıylyp ketti
ASTANA. 17 qańtar. QazAqparat - BUU Bas hatshysynyń adam quqyqtary máseleleri jónindegi kómekshisi Ivan Sımonovıch áli kúnge deıin jalǵasyp jatqan Ońtústik Sýdandaǵy qaqtyǵystarǵa 2 taraptyń da kinási bar dep sanaıdy.
VVS-ge suhbat bergen ol Bor men Bentý shaharlary arýaqtar qalasyna aınalǵandyǵyn basa aıtqan. BUU ókiliniń sózine qaraǵanda, Bentý dymy qalmaı tonalyp, ǵımarttary órtten kúlge aınalyp, tipti qalany jer betinen joǵalyp ketti dese de bolady.
Esterińizge sala keteıik, ótken jyldyń 16 jeltoqsan kúni túnde Ońtústik Sýdannyń astanasy Djýbada rýlyq toptardyń bastamasymen tártipsizdikter ushqyny burq etti. Al odan keıingi kúnderi eldiń birqatar óńirlerinde atalǵan toptar men úkimettik kúshterdiń arasynda qaqtyǵystar oryn aldy. Osylaısha elde bastalǵan janjaldar saldarynan bılik birqatar aýmaqtan aıyryldy.
Keıbir málimetterge sáıkes, janjal eldegi eń iri nýer men dınka taıpalary arasyndaǵy qarsylyqtan týyndaǵan. Aıta keterligi, memlekettiń burynǵy vıtse-prezıdenti Rıek Machar - nýer, al el prezıdenti Salva Kıır dınka taıpasynan shyqqan. Degenmen, Sýdan bıligi osyndaı dúrbeleń arqyly memlekettik tóńkeris jasaýǵa áreket jasap otyr degen paıymdy alǵa tartady.
