Ońtústik Sýdanda úsh amerıkandyq ushaq atqylandy
ASTANA. 22 jeltoqsan. QazAqparat - Ońtústik Sýdanda 21 jeltoqsanda úkimettik áskerler men kóterilisshiler arasynda óristegen soǵys qımyldary aýdanynan amerıkan azamattaryn kóshirý jónindegi mıssııasyn oryndaý kezinde úsh amerıkan ushaǵy jerden atqylandy, dep habarlady RBK Reuters agenttigine silteme jasap.
Amerıkandyq ushaqtar adamdardy kóshirý aımaǵynda zenıt shabýylyna tap boldy, dep habarlady AQSh qarýly kúshteriniń Afrıka aımaǵyndaǵy birikken qolbasshylyǵynyń resmı málimdemesinde. «Atqylaýdan keıniń áýe kemeleri alǵashqy baǵytynan aýytqyp, elden tys jerdegi ushyrý alańyna bet aldy, mıssııa toqtatyldy», - delingen málimdemede. Osy málimdemede atqylaýǵa ushyraǵan Osprey CV-22 ushaqtary zaqymdanǵany aıtylǵan.
BUU-nyń Ońtústik Sýdandaǵy mıssııasy ıÝaı qalasyna ushyp bara jatqan BUU-nyń tórt tikushaǵynyń biri 20 jeltoqsanda jeńil qarýdan atqylanǵanyn habarlady. Ekıpaj da, jolaýshylary da zardap shekpegen.
Ońtústik Sýdandaǵy urystar sońǵy apta boıy jalǵasýda. Álemdegi eń jas memleket táýelsizdik alǵan soń eki jyl ótkennen keıin birte-birte dınk jáne nýer taıpalarynyń arasyndaǵy etnıkalyq azamattyq soǵysqa tartylýda.
Urys barysynda júzedegen adam qaza boldy. Soǵys qımyldary astanalyq aımaqqa jáne ómirlik mańyzdy munaı kenishteri óńirine taralýda.
