Ońtústik Sýdanda reseılik ushaq qulady, 40-tan astam adam kóz jumdy
ASTANA. QazAqparat - Ońtústik Sýdanda ushaqtyń apatqa ushyraýy saldarynan 40-tan astam adam qaza tapty.
Reuters agenttigi kýágerlerge silteme jasap, júk tasymaldaýǵa baǵyttalǵan ushaqtyń apatqa ushyraýynan onyń bortynda jáne jerde 40-tan astam adam ajal qushýy múmkin ekenin jazdy.
South Sudan Tribune gazetiniń aqparatynsha, ushaq bortynda bes reseılik ekıpaj múshesi boldy. BAQ ushaqtyń bólshekteri Aq Nil ózeni mańyndaǵy áýejaıdyń janynda tabylǵanyn habarlady.
Sýdandaǵy Reseı Elshiligine Ońtústik Sýdanda reseılik ushaqtyń apatqa ushyrýy jónindegi tolyq habar kelip túspedi. Bul týraly TASS-qa elshiliktiń úshinshi hatshysy Sergeı Konıashın málimdedi.
