Ońtústik Sýdanda er adam 11 fýtbol jankúıerin óltirdi
ASTANA. QazAqparat - Taǵy 16 adam qarý ustaǵan er adamnyń shabýylynan jaraqat aldy, dep habarlaıdy korrespondent.net.
Ońtústik Sýdan astanasy Djýba qalasynyń mańynda atys qarýymen qarýlanǵan er adam aǵylshyn premer-lıgasyn tamashalap otyrǵan fýtbol jankúıerlerine qaraı oq jaýdyrdy. Osy árekettiń saldarynan 11 adam mert bolyp, taǵy 16 adam jaraqattandy.
Kýágerlerdiń sózderinshe, atys qarýyn ustaǵan birneshe adam 50 jankúıer otyrǵan ǵımaratqa kirip kelgen. Olardyń bireý jankúıelerge oq jaýdyra bastaǵan. Adamdardyń barlyǵy osy sátte jata qalǵan. Shabýyldaýshylar ǵımarat ishinde 10 mınýttaı bolǵan. Kýágerlerdiń biri oq atqan azamattyń ózine senimdi ekenin jáne ózin erkin ustaǵanyn aıtady.
Aldyn ala málimetter boıynsha, bul jaǵdaıǵa jankúıerler arasynda týǵan janjal sebep bolýy múmkin. Shabýyldyń naqty sebebi ázirge belgisiz. Polıtsııa kúdiktilerdi izdestirýge kiristi.
