Ońtústik Sýdanda bolǵan qaqtyǵys saldarynan 500-ge jýyq adam qaza tapty
ASTANA. 18 jeltoqsan. QazAqparat - Ońtústik Sýdanda bir-birimen arazdasqan ásker bólimsheleri arasyndaǵy urys saldarynan bes júzge jýyq adam opat tapty, dep habarlaıdy RBK.
Ońtústik Sýdandaǵy shıelenis etnostyq nyshan boıynsha órship keledi jáne bunyń saldary azamattyq soǵysqa alyp kelýi múmkin. Bul týraly qazirgi kezde BUU-nyń Qaýipsizdik keńesinde tóraǵalyq etip otyrǵan Frantsııanyń atalǵan uıym janyndaǵy turaqty ókili Jerar Aro málim etti.
Memlekettik tóńkeris jasaýǵa talpynys jasalǵannan soń eldiń eń yqpaldy on saıası qaıratkeri qamaýǵa alyndy. Bul týraly BUU aqparatyna silteme jasap Bı-Bı-Sı habarlaıdy.
Qazirgi sátte 20 myń bosqyn BUU qamqorlyǵyndaǵy el astanasy Djýba mańyndaǵy aýmaqqa jasyryndy.
S.Kıırdiń sózine qaraǵanda, ony burynǵy vıtse-prezıdent Rıek Macharǵa berilgen soldattardyń kúshimen taqtan túsirmek bolǵan. Básekelesýshi saıasatkerler eldiń eki iri taıpasyna jatady: S.Kıır - dınkaǵa, al R.Machar - nýeraǵa. 2013 jyly jazda S.Kıır R.Machardy jáne búkil mınıstrler kabınetin qyzmetinen bosatqan bolatyn.
Ońtústik Sýdan - álemniń eń jas memleketteriniń biri. Ol táýelsizdigin 2011 jylǵy shilde aıynda aldy. Kórshiles Sýdanmen juldyzy qarsy dese bolady. 2012 jyly eki memleket arasynda áskerı qaqtyǵys oryn aldy. Ony BUU beıbit jolmen sheshti.
