Ońtústik Sýdanda 89 adam belgisiz aýrýdan qaıtys boldy

PRETORIıA. QazAqparat – Sońǵy birneshe aptada Ońtústik Sýdannyń shyǵysynda belgisiz dertten 89 adam qaıtys boldy, dep habarlaıdy QazAqparat reseılik TASS agenttigine silteme jasap.

Ońtústikafrıkalyq SABC radıostantsııasynyń habarlaýynsha, Dúnıejúzilik densaýlyq saqtaý uıymy (DSU) aýrý oshaǵyna aınalǵan Djongleı shtatyna jedel zertteý úshin arnaıy top jibergen.

Ońtústik Sýdanda jumys isteıtin halyqaralyq uıymdar kem degende 89 adamnyń qaıtys bolǵany týraly habarlady. Óz kezeginde jergilikti bılik qaıdan shyqqany belgisiz aýrýdan kóptegen adamdardyń qaıtys bolǵany týraly habarlady.

Aýrý juqtyrǵandardyń basym bóligi sońǵy 60 jylda alǵash ret 2021 jyly bolǵan iri sý tasqyny bolǵan oblystarda turady. Tekserý barysynda tarap jatqan aýrýdyń tyrysqaq bolýy múmkin ekeni rastalmady.