Ońtústik-Shyǵys shaǵyn aýdanynda jańa ambýlatorııalyq-emhana kesheni ashyldy

Emhanany Astana qalalyq máslıhatynyń hatshysy Sansyzbaı Esilov aralap kórip: «Búginde kóptegen adamdar óz densaýlyǵyn baǵalaı bermeıdi. Qazaqta «birinshi baılyq densaýlyq» degen sóz beker aıtylmaǵan. Sondyqtan azamattarymyzǵa der kezinde osyndaı emhanalarǵa qaralyp, aýrýlaryn ýshyqtyrmaı, emdetip otyrý qajet. Astanada búgingi ambýlatorııalyq-emhana kesheniniń ashylýy memleketti halyq densaýlyǵyna beı-jaı qaramaıtyndyǵyn bildiredi», - dedi.

Keshen Amanat kóshesinde 1,3 gektar jerge ornalasqan. Oǵan qalalyq  № 6 emhana kóshirildi.  Emhananyń eresekter bólimi  aýysymda  350  kelýshige, balalar bólimi  150  kelýshige eseptelgen. Nysannyń jalpy quny 1,37 mlrd. teńgeni quraıdy. Bas merdigeri «VEN» JShS.

Emhana kesheni zamanaýı jańa jabdyqtarmen jasaqtalyp, naýqastarǵa mammografııalyq qondyrǵy men  6 keskinde kompıýterlik  tomograf jáne fýnktsıonaldyq  dıagnostıka sııaqty zamanaýı qyzmet túrlerin usyna alady. Olardyń barlyǵy da medıtsınalyq tehnıkanyń  jetildirilgen jańa úlgilerinde júrgiziledi.   

Emhanada álemniń jetekshi óndirýshilerdiń jabdyqtarymen jabdyqtalǵan 3 shaǵyn ota jasaý bólmesi bar.